IRAK - Një tjetër video e shtetit islamik shfaq luftatarët e ISIS dhe 21 pengjet e tyre të mbyllur në kafaze hekuri. Të burgosurit dyshohet se janë ushtarë kurdë peshmerga dhe video vazhdon me paradën e tyre brenda në kafaze nëpër rrugët e një qyteti në veri të Irakut.

Pengjet mbajnë veshur kostumet tashmë të famshëm të viktimave të rradhës së militantëve ekstremistë të ISIS. Dyshohet se kjo paradë është xhiruar në një qytet në provincën e Kirkuk. Kurdët peshmerga luftojnë prej muajsh kundër ISIS në rajonin verior të Irakut dhe me ndihmën e sulmeve ajrore të koalicionin ndërkombëtar të drejtuar nga SHBA kanë mundur të rimarrin një pjesë të madhe të territorit ku avancoi ISIS gjatë muajve të verës.