TIRANË - Statusin e ndjesës së Elvis Roshit, Ben Blushi e lexoi ndër të parët. Ka qenë kolegia e tij Mimoza Hafizi ajo e cila e njoftoi për lëvizjen e radhës në Facebook të kryebashkiakut të Kavajës, pas bërjes publike të mesazheve që i kishte dërguar Blushit.
 
Dhe në fakt, Hafizi i ka vënë në dispozicion dhe celularin e saj deputetit kundërshtar të Ramës.
 
Madje siç shihet dhe nga pamjet e siguruara nga Report Tv, ata e kanë lexuar bashkë.
 
Krahas Hafizit, kanë qenë të shumtë gjithashtu deputetët e opozitës që e kanë marrë në mbrojtje Blushin duke i kërkuar kryeministrit të reagojë. Njëri prej tyre madje e ka krahasuar dhe me jetimët e Shkodrës që u abuzuan seksualisht.

Redaksia Online
(l.q/shqiptarja.com)