Video/ Ja si u sulmua spitali 
i pediatrisë në Alepo, në Siri

Një sulm ajror në Alepo të Sirisë ka goditur edhe spitalin e pediatrisë, duke shkaktuar vdekjen e 27 njerëzve, mes tyre fëmijë dhe mjekë.
 
Një video ka regjistruar edhe momentin e sulmit, ku duken qartë pasojat katastrofike që ka shkaktuar sulmi me predha.
 
Sulmi dyshohet se është kryer nga forcat e regjimit, në një qark që kontrollohet nga rebelët.
 
I dërguari i Kombeve të Bashkuara për krizën në Siri u ka bërë thirrje Shteteve të Bashkuara dhe Rusisë që të ndërhyjnë urgjentisht për të shpëtuar bisedimet për paqe.
 
Duke folur pas informimit të Këshillit të Sigurimit të OKB-së, Staffan de Mistura ka thënë se armëpushimi në Siri, i arritur në muajin shkurt nuk respektohet.
 
Dhuna në Siri është intensifikuar ditëve të fundit, pavarësisht armëpushimit.