VIDEO/Juventus finalisti i parë i
Champions, nesër Atletico-Real

Juventus është ekipi i parë finalist i UEFA Champions League.
 
Torinezët arritën të fitonin në "Juventus Stadium" edhe takimin e kthimit përballë francezëve të Monaco me shifrat 2:1.
 
Ekipi i Allegrit u kualifikua në finale me rezultatin e përgjithshëm 4:1.

Bardhezinjtë gjetën golin e parë në minutën e 33 me anë të sulmuesit kroat Mario Mandžukić i cili përballë portierit Subasiç arriti të shënojë.

Goli i dytë për Juventus erdhi një minutë nga fundi i pjesës së parë të takimit. Mbrojtësi brazilian Dani Alves shënon një gol mjaft të bukur pas një gjuajtje nga distanca, duke mposhtur për herë të dytë portierin e francezëve. 

Pjesa e dytë nuk ka shumë histori me Juventus që kontrollon lojën, ndërsa Monaco tenton të gjejë hapësira për të shënuar golin e parë. 

Dhe është talenti Mbappe i cili arrin të depërtojë në mbrojtjen torineze dhe të devijojë në rrjetë një top të marrë në diagonale. 

Me shifrat 2:1 mbyllet 90 minutëshi i kohës së rregullt, ndërsa është Juventus që feston arritjen në finale për të dytën herë brenda tre viteve të fundit.