Në "Lincoln Financial Field" në Philadelphia, Juventusi fitoi 4-1 kundër marokenëve të Wydad. Bardhezinjtë sigurojnë kalimin në 1/8 e Botërorit të Klubeve, ndërsa Wydad është jashtë pas dy humbjeve. Ndeshja u zhbllokua shpejt, pasi në minutën e gjashtë Boutouil shënoi në portën e tij për të kaluar në avantazh Juventusin. Në minutën e 16-të Kenan Yildiz dyfishoi shifrat, para se Lorch të shkurtonte dhe ta mbyllte pjesën e parë me rezultatin 2-1. Dominimi i "Zonjës së Vjetër" u pa edhe në pjesën e dytë, aty ku Yildiz shënoi golin e tretë për dopietën personale, ndërsa në fundin e ndeshjes Dusan Vlahovic ktheu në gol një penallti. Kësisoj, Juve kalon në 1/8 e Botërorit të Klubeve, paçka se ka ende një përballje kundër Man. City në Grupin G.

S.Dh/Shqiptarja.com
  • Sondazhi i ditës: 5 Korrik, 08:25

    Rama paralajmëron aksion për lirimin e hapësirave publike, si e vlerësoni?

Lajme të tjera