POP 5

Lajmet më të lexuara të 5 minutave të fundit

Sport

Kolumbia befason Uruguain, e mposht 0-1 dhe gjen Argjentinën në finalen e Kupës së Amerikës! Rekord me 28 ndeshje pa humbje

Argjentina dhe Kolumbia do përballen në finalen e Kupës së Amerikës për këtë vit, duel i programuar për në datën 15 qershor pas mesnate (02:00) me atë shqiptare.

Kolumbia befason Uruguain, e mposht 0-1 dhe gjen Argjentinën në finalen e Kupës së Amerikës! Rekord me 28 ndeshje pa humbje

Festa e Kolumbisë

Karolina e Veriut, SHBA - Argjentina dhe Kolumbia do përballen në finalen e Kupës së Amerikës për këtë vit, duel i programuar për në datën 15 qershor pas mesnate (02:00) me atë shqiptare.

Në stadiumin "Bank of Amerika", Kolumbia mposhti 0-1 Uruguain në gjysmëfinale, duke gjetur finalen e madhe pas 23 vitesh dhe bërë surprizën. Mjaftoi goli i Lerma në minutën e 39-të që kolumbianët të merrnin biletën për në finale, teksa edhe njëherë James Rodriguez u tregua deçiziv me pasimin final.

Në fund nuk mungoi tensioni në tribuna, teksa u përfshinë edhe lojtarët, por për fat situata nuk zgjati dhe palët u qetësuan. Befasi në Kupën e Amerikës, ndërsa Messi me shokë janë më të avantazhuar për trofeun. Nga ana tjetër Kolumbia ka 28 ndeshje radhazi pa humbje.

Rendit zhvillimet sipas orarit:
Ora 10:03
Kupa e Amerikës/ Tifozët e Kolumbisë sulmojnë familjarët e lojtarëve të Uruguait, Darwin Nunez me shokë ngjiten në tribuna


Kolumbia fitoi 0-1 kundër Uruguait dhe është në finalen e Kupës së Amerikës. Fundi i ndeshjes në Karolinën e Veriut nuk ishte i qetë, me tifozët e Kolumbisë që të "dehur" nga suksesi sulmuan familjarët e futbollistëve kundërshtar.

Kaq ka mjaftuar që situata të degradonte, teksa në tribuna janë ngjitur edhe lojtarët e Uruguait, ku për fat të mirë pas pak minutash gjithçka është qetësuar dhe mediet nuk raportojnë për të plagosur.

 

S.Dh/Shqiptarja.com

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46