MALAGA, Spanjë - Kombëtarja shqiptare e futbollit zhvilloi mëngjesin e sotëm një seancë stërvitore në Malaga, kjo pas ndeshjes miqësore ndaj Gjibraltarit, të fituar 0-1 me gol të Jasir Asanit nga penalltia në minutën e 69-të.

Lojtarët e aktivizuar gjatë ndeshjes së mbrëmshme u fokusuan te rikuperimi dhe disa ushtrime të lehta, ndërsa lojtarët pa minutazh në ndeshje realizuan stërvitje të plotë. Pasditen e sotme ekipi do të udhëtojë drejt Tiranës ku do të vijojë përgatitjet për ndeshjen kualifikuese të kampionatit botëror ndaj Letonisë.

Sfida e 9 shtatorit luhet në "Air Albania" duke nisur nga ora 20:45 dhe është ndër më të rëndësishmet në Grupin K kualifikues të Kupës së Botës, me tanët që duan të mbajnë gjallë shpresat për 'ëndrrën amerikane'.

Me pesë pikë pas katër ndeshjeve të luajtura (gjysmat), Shqipëria renditet në vendin e dytë të Grupit K, por ka një ndeshje më shumë se Anglia kryesuese (9 pikë) dhe dy më shumë se Serbia e vendit të tretë (4 pikë). Letonia me katër pikë pas tre ndeshjeve renditet në vendin e katërt, ndërsa Andorra me zero pikë pas katër ndeshjeve mbyll renditjen.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Mars, 13:11

    Qeveria rikthen Bordin për naftën, a besoni se do mbahen çmimet nën kontroll?

Lajme të tjera