FLORIDA, SHBA - Inter Miami fitoi 4-0 kundër Nashville SC dhe me serinë 2-1 të ndeshjeve në favor merr biletën për në çerekfinalet e MLS Cup, ku përballë gjen FC Cincinnatin. Në ndeshjen e tretë të zhvilluar në Fort Lauderdale të Floridas, skuadra e udhëhequr nga Lionel Messi triumfoi me 'poker'.

Dueli u zhbllokua pas vetëm 10-të minutave lojë. Messi mori një pasim nga Allende, udhëhoqi sferën për disa metra dhe nga jashtë zone e ndali topin pas krahëve të Willis.

Sërish Messi në minutën e 39-të e dërgoi topin në rrjetë për ta mbyllur pjesën e parë 2-0. Në fraksionin e dytë Tadeo Allende shënoi edhe ai dopietë, një me pasimin final të Messit.

Më 22 nëntor luhet sfida e parë çerekfinale mes Inter Miamit dhe FC Cincinnatit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera