Autoritetet kufitare të Maqedonisë së Veriut kanë arritur të kapin në flagrancë 11 emigrantë gjatë 2 javëve të fundit, të cilët tentuan të futeshin në territorin maqedonas, në mënyrë të paligjshme përmes pikës kufitare të Bogorodicës.

Emigrantët ishin me origjinë nga Siria, Pakistani, Kameruni dhe Kongo.

Kapja e 11 emigrantëve është e ndarë në 3 raste dhe ditë të ndryshme, por e përbashkëta mes tyre është që të gjithë tentuan të kalonin kufirin maqedonas të fshehur në kamionë me targa polake.

Konstatimi i tyre u bë nga autoritetet gjatë kalimit në skaner të kamionëve.

E ashtuquajtura “Rruga e Ballkanit” kryesisht lëviz nga Turqia dhe Greqia, përmes Maqedonisë së Veriut dhe Serbisë drejt vendeve evropiane që është destinacioni kryesor i migrantëve. Ata ikin nga zhvillimet luftarake dhe jostabilitetit ekonomik në vendet e tyre të origjinës.

Për këtë rrugë të rrezikshme trafikantëve u paguajnë shuma të majme të parave, kurse shpeshherë përfundojnë të plagosur, të rrahur, madje edhe të vdekur.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 19 Janar, 10:30

    Bojkoti i PD, a duhet t’i vazhdojë PS e vetme zgjedhoren dhe territorialen?

Lajme të tjera