Medon Berisha (22 vjeç) po konfirmon çdo ditë e më shumë pritshmëritë që Lecce ka vendosur mbi të. Mesfushori i kombëtares shqiptare, të cilit klubi i ka besuar fanellën me numrin 10, po tregon se jo rastësisht konsiderohet një nga talentet më premtues në futbollin italian.

Në ndeshjen e sotme ndaj Udineses, Berisha arriti të realizojë golin e tij të parë në Serie A, duke vulosur një paraqitje mbresëlënëse. Titullar përkrah Ylber Ramadanit, shqiptari shënoi në minutën e 59-të pas një goditjeje dënimi perfekte, që kaloi mbi murin mbrojtës dhe befasoi portierin vendas, duke ngushtuar rezultatin në 2-1.

Ky gol vjen pas dy asistimeve që mesfushori kishte dhuruar më pare, një në sezonin e kaluar dhe një në këtë sezon, duke treguar se Berisha po bëhet gjithnjë e më i rëndësishëm për skuadrën e Lecces.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera