'NRG Stadium', Houston (SHBA) - Meksika përmbysi 2-1 SHBA-në në finalen e Kupës së Artë, trofe ky i zhvilluar mes përfaqësueseve të Amerikës së Veriut. Paçka se SHBA kaloi e para në epërsi pas katër minutave lojë, meksikanët ia dolën që të merrnin trofeun e dhjetë të këtij kompeticioni, më shumë se të gjithë rivalët. Meksika mbetet sërish në fron, pasi edhe edicionin e kaluar e kishte fituar këtë trofe.

Richard në minutën e katërt përfitoi nga pasimi i Berhalter, duke kaluar SHBA-në në avantazh. Papërvoja bëri që ekipi i Mauricio Pochettinos të përmbysej. Ishte Raul Jimenez që vendosi ekuilibrat në minutën e 27-të, ndërsa 12 minuta nga fundi i ndeshjes Edson Alvarez e ndali sferën në rrjetë.

Fitorja shënon gjithashtu fitimin e dytë të Kupës së Artë për Meksikën nën drejtimin e trajnerit Javier Aguirre, i cili udhëhoqi ekipin për titullin në vitin 2009.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera