LONDËR - Ndalesa e radhës për Arsenalin në Carabao Cup do jetë në mitikun 'Wembley'. Djemtë e Mikel Artetës siguruan finalen e madhe duke fituar të martën 1-0 në gjysmëfinalen e kthimit kundër Chelseat në 'Emirates'. Edhe ndeshja e parë ishte fituar 2-3 nga Arsenali, teksa gjithë takimi i kthimit ishte emocionues.

Duhej një pasim i Rice që Kai Havertz të kalonte portierin Sanchez dhe në shtesën e shtatë të ndeshjes të shënonte golin që qetësoi tifozët dhe i dha 'Topçinjve' kalimin në një tjetër finale.

Arsenali po bën një sezon të mrekullueshëm, teksa mbeten në krye të Premier League, siguruan kalimin në 1/8 e Champions League me tetë fitore të plota në fazën e ligës dhe tanimë janë në finalen e Carabao Cup.

Një paraqitje që i ka bërë tifozët për të ëndërruar jo vetëm për një trofe gjatë këtij sezoni.

Gjysmëfinalja e dytë, ajo mes Newcastle dhe Man.Cityt luhet sot, teksa 'Qytetarët' e Guardiolës kanë fituar 2-0 takimin e parë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera