Dalin pamjet e performancës së këngëtares amerikane Ariana Grande në "Manchester Arena" të Britanisë së Madhe, pak minuta përpara sulmit terrorist.

Në videon e publikuar nga mediat e huaja duket Grande teksa këndon përpara adhuruesve të saj, kryesisht të rinj dhe adoleshentë.
 
Fundi i koncertit është fatal për rreth 22 të rinj të cilët humbën jetën gjatë sulmit kamikaz në ambientet jashtë sallës së koncerteve "Manchester Arena", ndërsa 50 të tjerë kanë mbetur të plagosur rëndë. 

Kamikazi i cili hodhi veten në erë, ka pasur në trup dy bomba të ndërtuara me gozhdë dhe pjesë të tjera metalike.