SHBA, Washington - Myrto Uzuni është duke kaluar një moment të mirë në kampionatin amerikan të futbollit (MLS), teksa ka konfirmuar formën e tij gjithnjë në rritje. Sulmuesi i Kombëtares ka realizuar golin e tretë në katër ndeshjet e fundit, këtë herë kundër DC United, në një sfidë ku Austin FC triumfoi me rezultatin bindës 2-4 në transfertë.

Uzuni hapi serinë e golave në minutën e 22-të, pas një aksioni të ndërtuar bukur nga skuadra teksane. I vendosur në mënyrë perfekte mes mbrojtjes kundërshtare, ai kontrolloi saktësisht një pasim në zonë dhe mposhti portierin.

Ky ishte goli i tretë në katër ndeshjet e fundit për 30-vjeçarin, i cili duket se po ambientohet në mënyrë të shkëlqyer me futbollin amerikan dhe me skemat e trajnerit. Uzuni iu bashkua Austin FC pas një periudhe të suksesshme në Spanjë me Granadën.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera