Aleksander Migues quhet motorçiklisti që u hodh mes rrotave të kamionit të terroristit që kreu masakrën në pedonalen e Nisës ditën e festës së Bastijës.

"Pashë kamionin që u ngjit mbi trotuar dhe shtypi një grua, më pas ai u rikthye në rrugë duke u përpjekur të vinte nga unë. Ishte diçka instiktive, nuk di ta shpjegoj veprimin tim për të ndalur kamionin", tha Migues.
 
Por pavarësisht trimërisë së tij Migues u detyrua të braktisë përpjekjen e tij për ta ndalur franko-tunizianin pasi ai i drejtoi armën. 

Ai ka mbetur i traumatizuar nga kjo eksperiencë dhe është shprehur se nuk ka mundur të flejë përgjatë 36 orëve të ardhshme.