Real Madridi është në krizë. 'Galaktikët' humbën 0-1 të hënën në ndeshjen kundër Getafes në mitikun 'Bernabeu' dhe shohin humbjen e dytë radhazi në La Liga. Pas dështimit të një javë më parë në udhëtim kundër Osasunës (2-1), skuadra e Alvaro Arbeloas sheh një tjetër zhgënjim, këtë herë para tifozëve të vet.

Supergoli i vetëm që i dha tri pikë Getafes në derbin e vogël të Madridit u shënua nga Martin Satriano në minutën e 39-të të ndeshjes. Në fund të dyja skuadrat e mbyllën ndeshjen me nga një lojtar më pak, pas daljes me kartona të kuq të Franco Mastantuonos për vendasit dhe Adrian Liso të miqve. Fitorja e fundit e Getafe ndaj Real Madridit në 'Bernabeu' kishte ndodhur më 24 shkurt 2008 (18 vite më parë).

Pas raundit të 26-të të La Ligas është Barcelona që kryeson renditjen e përgjithshme me 64 pikë, katër më shumë se Real Madridi ndjekës. Pas tyre Atletico Madridi dhe Villarreali me nga 51 pikë.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Shkurt, 17:02

    Si e vlerësoni sulmin e SHBA dhe Izraelit ndaj Iranit?

Lajme të tjera