VIDEO/ Shpërthim i fuqishëm në një shtëpi në SHBA, reagojnë banorët: Dëgjuam të shtëna armësh

Një shpërthim masiv ndodhi rreth orës 20:00 me orën lokale në një shtëpi në Arlington, Virxhinia, ndërsa policia rrethoi ndërtesën.

Sipas NBC News, autoritetet lokale vendosën të kontrollonin shtëpinë për shkak të ankesave të bëra nga banorët e zonës më herët pasdite për të shtëna armësh që kishin dëgjuar nga brenda.

Oficerët e policisë mbërritën në vendngjarje për të kontrolluar shtëpinë, por kur tentuan të hynin në të i dyshuari filloi të qëllonte me armë, duke shkaktuar një shpërthim të madh.

Sipas informacioneve të deritanishme, i vetmi person brenda besohet të jetë i dyshuari, i cili ende nuk dihet nëse ka mbetur i plagosur apo është arrestuar. Disa banorë të zonës përreth thanë në rrjetet sociale se shpërthimi “tronditi” të gjithë lagjen.

Zjarrfikësit ende po punojnë për shuarjen e zjarrit, ndërsa banorët janë larguar edhe nga banesat përreth.

 

S.S/r.k./Shqiptarja.com

TAG:
• SHBA