Atentatori është kapur nga kamerat e sigurisë së një biznesi tjetër aty pranë ku ai dallohet me një biçikletë që ka vendosur bombën në murin e farmacisë, në pjesën e jashtme të kondicionerit.
Shpërthimi në Farmacinë e babait të ministrit të Brendshëm, Saimir Tahiri ka ndodhur rreth orës 02:54, ndërkohë që videoja e siguruar nga A1 Report nga kamerat e sigurisë shënojnë orën 02:23 si momentin e vendosjes së bombës.
Menjëherë pas vendosjes së tritolit është larguar me shpëjtesi me biçikletë nga vendi i ngjarjes. Nga ana e saj Policia e Shtetit i ka bërë thirrje qytetarëve që të ndihmojnë për identifikimin e autorit, duke telefonuar në numrin e qendrës operative: 129
Ndërkohë po sot detaje të reja kanë dalë në skenë nga hetimet që policia po kryen në lidhje me ngjarjet e rënda të mëngjesit të djeshëm. Burime nga Policia e Shtetit bëjnë të ditura për A1 Report bomba e vënë në rrugën “Muhamet Gjollesha”, në vendin ku parkonte automjetin e tij Bashkim Tahiri, ishte parashikuar që të shpërthente e para, por sipas policisë kjo nuk ka ndodhur për shkak të një defekti teknik të tritolit.
Ka qenë pikërisht kjo bombë tritoli e cila ka zbuluar edhe numrin e kartës SIM të celularit të vendosur në të. Dhe sipas policisë, në këtë bombë ka mbërritur thirrje nga i njëjti numër telefoni si ai që bëri të shpërthejë bombën në farmacinë e të atit të Saimir Tahirit. Këto fakte përforcojnë edhe më tepër pistën e hetimit, se të dyja atentatet janë kryer nga i njëjti person.
Kjo konfirmohet edhe nga kreu i Policisë së Shtetit, Artan Didi se i njëjti person ka vendosur edhe eksplozivin te stacioni i autobusit pranë urës tek Vasil Shanto, në vendin ku zakonisht parkonte makinën babai i ministrit Tahiri. Aktivizimi i bombës së dytë do të bëhej gjithashtu me telekomandim. Por bomba e cila është konstatuar rreth orës 06:10 është çaktivizuar me shpërthim të kontrolluar nga forcat RENEA.
Didi: Dy atentatet nga e njëjta dorëNdërkohë që rreth orës 03: 56 të ditës së djeshme ka ndodhur një tjetër shpërthim në kryeqytet ku si objektiv ka qenë shefi i krimeve në Vlorë, Alfred Numani. Fatmirësisht në momentin e shpërthimit nuk ka pasur njeri në banesë.
[ Foto Frame (me lëvizje) momenti i shpërthimit në farmaci ]
[ Foto Frame (me lëvizje) momenti i vendosjes së sasisë së tritolit nga personi me biçikletë ]
Ora 16:52 Bomba tek parkimi i makinës së Bashkim Tahirit nuk shpërtheu për defekt teknik
Bomba e vënë në rrugën “Muhamet Gjollesha” në unazë, pranë vendit ku parkon automjetin babai i Ministrit të Brendshëm Saimir Tahiri nuk ka shpërthyer si pasojë e një defekti teknik. Bomba e pashpërthyer ka lënë në dorën e policisë një provë të rëndësishme siç është karta SIM e celularit të vendosur në mekanizmin e bombës. Sipas policisë në këtë kartë telefoni ka mbërritur një thirrje nga i njëjti numër i cili pak minuta më pas ka dërguar thirrjen telefonike dhe në mekanizmin e bombës vendosur në farmaci, e cila shpërtheu.
Ora 16:50 I njëjti numër thirrje te celularët e bombave te farmacia e vendparkimi i Bashkim Tahirit
A1Report ka mundur të mësojë nga burime pranë grupit hetimor se numri nga i cili është kryer thirja telefonike drejt bombës në farmaci në Rrugën Kongresi i Manastirit është i njëjti me atë që ka kryer thirrjen në bombën pranë vend parkimit të automjetit të Bashkim Tahirit në rrugën Muhamet Gjollesha, e cila fatmirësisht s'ka shpërthyer.
Gjithashtu në këtë vend është parë një person me biçikletë, i cili dyshohet se është i njëjti me personin që ka vendosur eksplozivin te Farmacia e Bashkim Tahirit.
Ora 15:30 Visho Ajazi e mori vesh i fundit për sulmet
Kreu i Shërbimit Informativ Shtetëror Visho Ajazi Lika ka qenë një nga personat e fundit i cili është vënë në dijeni në lidhje tritolet në Tiranë ndaj familjes së Ministrit të Brendshëm Saimir Tahiri mëngjesin e djeshëm.
Burime bëjnë të ditura se Visho Ajazi Lika i ka marrë vesh shpërthimet e ndodhura në orën 09:00, teksa ngjarjet e rënda kishin ndodhur që në orën 02:54. Mësohet se në takimin urgjent të mbajtur ditën e djeshme mes Tahirit, kryeprokurorit Adriatik Llalla dhe Visho Ajazit, ministri ka qenë mjaft kritik ndaj kreut të SHISH.
Ora 15:15 Policia apel qytetarëve: Nëse keni informacione, na kontaktoni
Policia e Shtetit ka kërkuar bashkëpunimin e qytetarëve duke kërkuar që të telefonojnë në nr 129 për të dhënë informacione të nevojshme rreth personit i cili vendosi bombën në farmacinë e babait të Saimir Tahirit.
Policia e Shtetit garanton se do të ruhet anonimiteti i plotë për personat që do të japinë këto informacione.
Ora 10:15 Didi: Shpërthimi i parë në farmacinë e Bashkim Tahirit në orën 02:54
"Në ngjarjet me eksploziv e datës 10 shkurt 2015 në Tiranë janë evidentuar 2 ngjarje me shpërthim eksplozivi dhe një e mbetur në tentativë, e para në farmacinë e Bashkim Tahirit, rreth orës 02:54. pas njoftimit shërbimi i policisë shkoi në vendngjarje dhe nisi proceduarat për zbulimin ne ngjarjes dhe rezultoi se në pjesën e jashtme të kondicionerit është vendosur eksploziv si dhe është dëmtuar kondicioner. Nga masat e marra dhe këqyrja në vendngjarje rezulton se lënda plasëse është e llojit tritol në masën 400 gr me komandim në distancë nga celulari."- tha Didi.
(Fotosekuesncë- Momentet e vendosjes së tritolit nga personi me biciklete dhe shpërthimi) FOTO të tjera
(Foto: Kamera e sigurisë e një biznesi pranë farmacisë që ka filmuar ngjarjen)
Redaksia Online
(a.h/shqiptarja.com)
Lajme të tjera
-
‘Mos lejojmë askënd të na e ul flamurin’, Rama: Ta rreshtojnë në oborrin e shtëpisë së familjes së bashkuar europiane
24 Nëntor, 14:47 -
'Sudja e plakur ulërin nga maja e pallatit e sudja e re vjen vërdallë' Rama sulmon Berishën e Topallin: Për këta Shqipëria s'do kishte kurrë reformën në drejtësi
24 Nëntor, 14:38 -
'Ka nisur një fushatë dizinformimi', Policia reagon pas deklaratave të babait të shokut të Martinit: Kemi pamje filmike, nuk ka autor të dytë në ngjarje
24 Nëntor, 14:28 -
Zgjedhjet 2025, Rama kërkon votën e shqiptarëve në Londër: Të përzëmë djallin, çlirojmë opozitën nga pengmarrja për hallet e udhëheqëve
24 Nëntor, 14:26 -
'Fitorja jonë në 2025 përfundimtare', Rama nga Londra: Të shpëtojnë opozitën nga pengmarrësit e diskretituar nga historia
24 Nëntor, 14:23 -
'Kthehu për një kafe o burrë', Rama tregon përballjet me shqiptarët në Britani: Shoferi im në Londër ka ardhur me kamion
24 Nëntor, 14:21 -
Vrasja e 14 vjeçarit, Rama: E bënë mish për top, në luftën për pushtet! Po motivohen protesta partish të maskuar si revolta qytetare
24 Nëntor, 14:14 -
Rama në Londër: Nismë ligjore për rikthimin e emrit të shqiptarëve të regjistruar si kosovarë në Britani
24 Nëntor, 14:00 -
Rama akuzon PD-në: Nxit akte anti-shqiptare në tokë të huaj
24 Nëntor, 13:57 -
Turi me diasporën/ 'Diversantët' e Berishës 'të infiltruar' në takim! Rama: Akte antishqiptare nga të verbër që nxiten nga Tirana! Po motivohen protesta kundër qeverisë
24 Nëntor, 13:55 -
Rama në Londër kritika Braverman: Ish-ministrja e Brendshme i quajti shqiptarët pushtues! Ju jeni kontrubues
24 Nëntor, 13:47 -
Rama për protestën para takimit në Londër: Akte antishqiptare nga të verbër që nxiten nga Tirana
24 Nëntor, 13:40
