RROGOZHINË - Egnatia fitoi 2-1 në shtëpi kundër Kukësit për ndeshjen hapëse të javës së 11-të në Superligë. Me fillim në 14:00, të dyja skuadrat dolën në fushën e rinovuar të "Egnatia Arena", me 90 minutat që ishin emocionuese.
Dueli do zhbllokohej nga miqtë e Stavri Nicës. Në minutën e 26-të ishte La Torre që ndëshkoi Sherrin. Një pasim nga porta prej Tafas bëri që me tre pasime Kukësi të dilte përballë portës së vendasve, me La Torre që nuk fali duke kaluar verilindorët në avantazh.
Vetëm dhjetë minuta zgjati avantazhi i miqve, me kryesorin Andi Koçi që akordoi një penallti. Edhe pas konfirmimit të VAR, Egnatia barazoi rezultatin me Fernandon nga penalltia.
Pjesa e parë u mbyll me rezultatin e njëjtë 1-1, ndërsa gjithçka iu la fraksionit të dytë. Duhej një perlë e Sebastian Spahiut në minutën e 56-të që Egnatia të merrte kryesimin. Kontrolli i bukur i mesfushorit dhe goditja perfekte shtangën Tafas në portë, për rezultatin 2-1. Me të vërtetë një gol i bukur nga Spahiu, me Egnatian që këtë edicion ka shënuar disa gola spektakolarë.
Pas dy fitoreve (kundër Laçit dhe Vllaznisë), Kukësi merr humbje në transfertë duke mbetur në kuotën e 13 pikëve për vendin e pestë momental. Me 23 pikë, Egnatia mban vendin e parë, tre pikë më shumë se Partizani që luan nesër kundër Laçit në udhëtim.
Egnatia fitoi 2-1 me përmbysje kundër Kukësit, për javën e 11-të në Superligë. Pas ndeshjes, trajneri i rrogozhinasve Edlir Tetova tha se skuadra e tij duhet t'i kënaqet vetëm tri pikëve pasi vuajtën në 15 minutat e fundit.
"Një 3 pikësh i çmuar për ne, nuk ishim në 100 përqind të asaj që jap gjithmonë, një ndeshje që duhet t'i kënaqemi tri pikëshit. Sot vetëm kishim rotacion, Zejnullai kishte lodhje, freskuam krahun e majtë, lamë dhe Paulauskas se luajti ndeshjet e plota me kombëtaren e tij. Shkoi mirë deri diku, pjesa tjetër kemi humbur shumë topa të thjeshtë dhe na dënoi tek goli i parë. Po vuajmë 15 minutat e fundit, ka një tërheqje të ekipit jo domosdoshmërisht nga unë, por djemtë duan të ruajnë rezultatin, do ta përmirësojmë në vazhdim, që mos të kemi oshilacione në të ardhmen", tha pas ndeshjes Tetova për MCN.
Lajme të tjera
-
Dy adoleshentet me synime të qarta: Në punë e shkollë për turizëm! ‘Shtrojmë’ rrugën për tu bërë sipërmarrëse
27 Prill, 11:40
-
Hodhën molotovë në protestën e të PL-së dhe Rithemelimit para bashkisë, arrestohet 31-vjeçari, në hetim një tjetër
27 Prill, 09:44 -
Personalitetet më të mëdha të muzikës tekno elektrizojnë sot Tiranën, Veliaj: Nëse nuk ikim dot nëpër festivalet botërore, i sjellim ato këtu
26 Prill, 20:00 -
Ambasadori i Rusisë në Tiranë largohet nga Shqipëria, ja kush e zëvendëson
26 Prill, 18:29 -
Protesta te bashkia ‘kuriozon’ turistët në Tiranë: Këtu s’ka shumë njerëz, në vendet tona dalin masivisht në rrugë
26 Prill, 17:18
-
Molotovët te bashkia e Tiranës, Balla: Arsyen e dhanë vetë protestuesit, thirrën lironi liderin e opozitës
26 Prill, 16:39 -
Studentët e Universitetit Stanford vizitë në Tiranë, takohen me Ramën
26 Prill, 16:15 -
Eliminimi nga Kupa, sezoni i Tiranës kalon në derbin me Partizanin! Agjenda e Superligës
26 Prill, 15:01 -
Qatip Osmani nxjerr blof Vllazninë: Më larguan pa dëshirën time, isha pranë titullit kampion
26 Prill, 14:38 -
Zyrtare/ Vllaznia prezanton Thomas Brdaric, zëvendëson Osmanin në stol! Trajneri flet shqip (VIDEO)
26 Prill, 13:45 -
'Nikaj ka probleme', Ivan Gvozdenovic: Skënderbeu ia del me tifozët për në 'Final 4'
26 Prill, 11:48 -
CAS rrëzon FIFA-n, KF Erzeni kursen 120 mijë euro
26 Prill, 11:32
