Në Torino, Juventusi fitoi 5-0 kundër Cremoneses në një ndeshje që "Zonja e Vjetër" e fitoi pa shumë vështirësi. Bardhezinjtë kaluan në epërsi pas vetëm 12 minutave lojë, atëherë kur goditja e Mirettit u devijua me kokë nga Bremer dhe u ndal në rrjetë. Vetëm tre minuta më vonë ishte kanadezi Jonathan David që dyfishoi shifrat, ndërsa Cremonese mbeti pa trajner në fushë pasi Davide Nicola u largua me karton të kuq. Në pjesën e parë kishte kohë edhe për golin e Yildiz. Turku mori përsipër goditjen e 11 metërshit, por sfera u stampua në shtyllë dhe u kthye sërish në këmbët e tij, me sulmuesin e Juves që e ndali në rrjetë.

Edhe fraksioni i dytë u dominua nga Juvja që shënoi dy gola të tjerë me autogolin e Terraccianos dhe realizimin e McKennie. Duket se trajneri Luciano Spalletti ka ndryshuar fytyrën e Juves, pasi gjatë 15 ndeshjeve nën drejtimin e tij në të gjitha kompeticionet, "Zonja" ka dhjetë fitore, katër barazime dhe vetëm një humbje, atë kundër Napolit (2-1) për raundin e 14-të në Serie A.


Lajmi kryesor:

GOLAT/ Juventusi 'shuplakë' për vendin e tretë, garon për titullin e Serie A! Genoa bind kundër Cagliarit
S.Dh/Shqiptarja.com
  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera