New Orleans, Louisiana (SHBA) - Për herë të dytë në histori, Philadelphia Eagles është kampion i Super Bowl në atë që njihet si "futbolli amerikan". Dominim absolut i Philadelphia që triumfoi 40-22 kundër Kansas City Chiefs.

Mbrojtja dhe sulmi i “Shqiponjave” shkëlqyen për të marrë trofeun e dytë historik. Philadelphia hakmerret për atë humbje të dy viteve më parë, për t’u rikthyer sërish në majë.

Finalja e 59-të në historinë e këtij sporti popullor në SHBA pa shumë figura VIP në stadium, mes tyre edhe presidenti Donald Trump. Ai u vu re që të largohej nga “Caesars Superdome” përpara kohe.

Në fillim të takimit presidenti i Shteteve të Bashkuara të Amerikës kishte parashikuar një fitore të Kansas City, pasi sipas tij diferencën do ta bënte lojtari më i mirë i NFL, Patric Mahoms.

Mbase në zgjedhjen e bërë nga presidenti ka ndikuar edhe refuzimi që i bëri ftesës së tij ekipi i Philadelphias në 2018-ën pas triumfit në Super Bowl, kur refuzoi që të shkonte në pritjen e Shtëpisë së Bardhë.

Incident në stadium gjatë pjesëve, me një flamur palestinez që u shpalos nga një tifoz që hyri në fushë për t'u neutralizuar më pas nga forcat e sigurisë. Spektakli u ndoq nga yje të futbollit e muzikës, si Taylor Sift, apo edhe Lionel Messi e Antoine Griezmann.

Tre finalet e radhës

NFL ka zyrtarizuar tri stadiumet e radhës që do të presin në tre vitet e ardhshme eventin më të madh të kësaj disipline. Kështu Super Bowl 60 do të organizohet në Santa Clara të Californisë në “Levi's Stadium” ku luan takimet e veta formacioni i San Francisco 49ers.

Edhe Super Bowl 61 do të mbahet po në shtetin e Californisë pasi finalja e madhe do të organizohet në “SoFi Stadium” të Los Angelosit ku luan takimet e veta ekipi i Rams.

NFL ka zbuluar edhe destinacionin e Super Bowl 62. Kjo finale do të mbahet në Atlanta në “Mercedez-Benz Stadium”.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 17 Mars, 11:47

    Shqipëria shpall Iranin shtet sponsor të terrorizmit, si e vlerësoni?

Lajme të tjera