Foxborough, Massachusetts (SHBA) - Franca fitoi 2-1 kundër Brazilit në miqësoren e luksit që u zhvillua të enjten në stadiumin e Foxborough në SHBA. Edhe pse një miqësore, yjet e të dyja skuadrave treguan cilësi të jashtëzakonshme në atë që mund të quhet 'nxehmje' para Kupës së Botës 2026, me dy skuadrat që mund të takohen gjatë rrugëtimit.

Minuta e 32-të solli golin e parë për Francën, me autor Kylian Mbappe. Tchouameni rikuperoi një top të bukur, ndërsa 'Topi i Artë' Ousmane Dembele dhuroi një pasim brilant mes kundërshtarëve, që e shfaqi Mbappenë para portierit. Ylli i Real Madridit bëri një sprint për të dalë vetëm përballë Ederson, teksa me një parabol ia la sferën pas krahëve portierit.

Në pjesën e dytë Franca mbeti me një lojtar më pak pas daljes me karton të kuq të Upamecanos, por 'Gjelat' nuk u dorëzuan dhe shënuan golin e dytë me Ekitiken. Olise pasoi për sulmuesin e Liverpool, që sërish me një parabol shënoi golin e dytë të ndeshjes.

12 minuta para fundit të sfidës ekipi i Carlo Ancelottit reagoi duke shkurtuar shifrat me Bremer, por në fund ishte Franca që fitoi 2-1.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Mars, 08:12

    Rritja e çmimit të ushqimeve, a duhet të marrë masa qeveria për të mbrojtur konsumatorët?

Lajme të tjera