Sulmuesi shqiptar, Valmir Veliu ka shënuar golin e parë në Superligën e Turqisë. Skuadra e tij Gazientep humbi 2-1 në transfertë me Giresunspor për javën e 16 të kampionatit, me Veliun që dëshmoi se është vendimtar për Gazientep dhe me golin e shënuar i dërgon "sms" trajnerit për më shumë hapësira.
Do duhej minuta e 52 e takimit, atëherë kur pas një pasimi të bukur nga Soyalp, sulmuesi dardan të shënonte golin e parë në elitën turke. Më herët për Giresunspor kishte shënuar Serginho, teksa Veliu ishte në fushë nga minuta e parë.
I lindur në Podujevë, 22-vjeçari la Llapin verën e këtij viti dhe u bashkua me Gazientep për vlerën e 180 mijë eurove me kontratë deri verën e 2025.