SHBA - Inter Miami fitoi në shtëpi 2-1 kundër Philadelphia Union për raundin e gjashtë në MLS amerikane të futbollit. Për vendasit shënoi edhe Lionel Messi, ndërsa ekipi i tij ngjitet në vendin e parë.

Sfida nisi me "Pleshtin" në stol, pasi Messi vuante një dëmtim dhe nuk ishte në grumbullim as me Argjentinën. Dueli u zhbllokua në minutën e 23-të, aty ku Taylor kaloi në epërsi Inter Miamin.

Minuta e 55-të pa në fushë Messin, ndërsa tetë herë fituesit të "Topit të Artë" iu deshën dy minuta për të gjetur golin e dytë. Një pasim final nga Suarez bëri që Messi të shmangej bukur në zonë dhe me të djathtën ta dërgonte sferën në rrjetë.

Në fund Gazdag shënoi golin e vetëm për miqtë që shërbeu sa për statistika. Me këtë sukses Inter Miami ngjitet në kuotën e 13 pikëve dhe pas gjashtë javësh e sheh veten në krye të Konferencës Lindore.
S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Prill, 09:06

    Diaspora po vendos, sa përcaktuese do jetë vota nga jashtë më 11 maj?

Lajme të tjera