Kryesojnë Superligën e futbollit së bashku me Partizanin me pikë të barabarta (44), por Tirana humbi këtë të shtunë 2-0 në miqësore me Vorën. Skuadra e Kategorisë së Dytë u tregua "kockë e fortë" në fushën e vet, duke mundur kampionët në fuqi të Shqipërisë në një duel që pati shumë raste dhe një luftë sportive.

Për Vorën vendosi dopieta e Fatmir Prengës për të kaluar kampionët e vendit. Edhe pse miqësore, trajnerët Artan Mërgjyshi dhe Orges Shehi hodhën në fushë pjesën më të madhe të titullarëve, teksa minuta patën edhe emrat e rinj.

Pjesa e parë e ndeshjes u mbyll pa gola, teksa pas vetëm dy minutave lojë në të dytën, Prenga me një kërcim të lartë në zonë, e ndali topin në rrjetën e bardhebluve. Goli i dytë u shënua po nga Prenga në të 82 minutë. Do duhej një gabim në prapavijën e Tiranës nga Aleksi, me Prengën që nuk gabon me portën bosh. Vora kryeson grupin A të Kategorisë së Dytë dhe me investimet e bëra është pretendentja kryesore për t'u ngjitur në Kategorinë e Parë.

Formacionet me të cilën nisi sfida:

Vora: Jata, Shani, Lala, Gjoni, Meta, Bashaj, Sefa, Balla, Vrapi, Prenga, Avdiu Tranjer: Artan Mërgjyshi

Tirana: Lika, Toshevski, Aleksi, Najdovski, Përgjoni, Deliu, Hila, Lushkja, Berisha, Hasani, Haxhiu Trajner: Orges Shehi

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 2 Shkurt, 13:24

    A e mbështesni kërkesën e gjyqtarëve për rritje page?

Lajme të tjera