A është kjo një UFO? Videoja e  frikshme tregon një ‘unazë’ të çuditshme të zezë teksa ‘lundron’ në qiell të hapur për t’u zhdukur më pas në horizont. Filmimet amatore kanë ngritur pikëpyetje rreth asaj cfarë është realisht rrethi fluturues.

Struktura rrethore është parë fare qartë në qiell të kaltër në një fshat pranë Astana-s në Kazakistan për disa minuta. Vendasit e vunë re fenomenin e cuditshëm mëngjesin e së shtunës dhe filmimet e xhiruara kanë marrë tashmë xhiron e internetit. 

Ndërkohë që një pjesë janë të sigurtë se imazhet lidhen me ekzistencën dhe praninë e qenieve jashtëtokësore në Tokë, ka dhe nga ata skeptikë që mendojnë se ‘unaza’ është rezultat i tymit të cigares.

Ka gjithashtu edhe shpjegime shkencore sipas të cilave një fenomen i tillë ndodh nga përplasja e masave ajrore në atmosferë. Ndërkohë ‘spektakli’ i krijuar vazhdon të mbetet një mister.
ufo
Redaksia Online
(m.p/shqiptarja.com)