Videolajm/ Ballafaqimi, Doshi
batutë me median: S’e takova Bamin

TIRANE - Për rreth 3 orë deputeti i përjashtuar nga Partia Socialiste Tom Doshi pati një ballafaqim në Prokurorinë e Krimeve të Rënda me Durim Bamin, personin që Doshi e akuzon vrasës të paguar për eliminimin fizik të tij me urdhër të kryeparlamentarit Meta. Ky fakt u konfirmua nga burime të sigurta të grupit hetimor për A1 Report. Por ndërsa ka lënë ambientet e organit të akuzës, Doshi ka bërë një batutë me mediat duke deklaruar se nuk e ka takuar Bamin.
 
Pyetjes së gazetarit të A1 Report Arsen Rusta, i cili ka ndjekur të gjitha zhvillimet në Prokurori në dy javë hetime të nisur për këtë cështje, se a u ballafaqua me Durim Bamin, Doshi iu përgjigj: S’e kam takuar.
 
Ashtu si edhe në dëshminë e parë, këtë radhë sy më sy, Durim Bami rrëzoi pretendimin e Doshit duke deklaruar se historia e atentatit është e sajuar nga deputeti i Shkodrës.

Redaksia Online
(Gre.M/Shqiptarja.com)