Videolajm/ Bashës s'i bëjnë efekt 
 vezët, ngjiret sërish para turmës

TIRANE - Edhe pse vezët ishin në qendër të protestës së opozitës, kryedemokratit Lulzim Basha duket se nuk i kanë dhënë efektin e duhur për zërin. Kreut të Partisë Demokratike iu ngjir disa herë zëri ndërsa mbante fjalë para turmës së protestuesve në podiumin e ngritur para kryeministrisë.

Kjo nuk është hera e parë që liderit të opozitës i ikën zëri gjatë fjalimeve kundër gjendjes ekonomike në vend dhe kauzave të tjera të opozitës. në një fjalim shumë të ashpër dhe gjithë revoltë kundër qeverisë së majtë që sipas tij duhet rrëzuar nga pushteti, në shumë raste Bashës i është ngjirur zëri.

Për shkak të tonit të lartë në mënyrë të pandërprerë, shefi i opozitës nuk e ka kontrolluar dot zërin e tij. Edhe disa ditë më parë Basha është ngjirur teksa i bënte ftesë qytetarëve t'i bashkoheshin opozitës për të rikthyer atë që ai e quajti "8 dhjetorin e dytë".

Redaksia online
(S.M/Shqiptarja.com)