Videolajm/ Prova e kovës me akull
në rripin e Gazës bëhet me...rrënoja!

Një tjetër përgjigje vjen nga banorët në Rripin e Gazës, ku prej shumë kohësh po zhvillohen luftime të ashpra, duke bërë një version ndryshe të sfidës së kovës me akull. Qëllimi i tyre është të sensibilizojnë botën për kushtet deshpëruese me të cilat përballen çdo ditë në këtë territor ku luftohet pa ndalim.

Gazetari Palestinez Ayman al Aloul në vend të një kove me ujë, një rezervë e pasuri e çmuar në këtë territor, filmohet duke hedhur mbi kokë një kovë me mbetje nga shkatërrimet e ndërtesave përreth. Ai thotë se ata nuk kanë ujë as për të pirë dhe jo më për ta shpërdoruar në një mënyrë të tillë.

Megjithatë, Ayamal dhe bashkëkombasit e tij i bashkohet fushatës së senzibilizimit për sëmundjen ALS duke e realizuar sfidën me të vetmen gjë që u ka mbetur, rrënojat e ndërtesave të shkatërruara, duke synuar që bota të ndërgjegjësohet për kushtet e vështira të jetesës në Palestinë e Gaza.