Kryeministri Edi Rama ka vizatuar pallatin e Sportit në Përmet, ku ka takuar të rinjtë dhe të rejat e ekipit të basketbollit dhe klubit të ping pongut. Rama ishte i shoqëruar nga ministrja e Turizmit, Mirela Kumbaro dhe ministrja për Rininë dhe Fëmijët, Bora Muzhaqi.

Rama ka pranuar një ‘sfidë’ nga një prej lojtareve më të mira të ekipit të basketbollit, por rezultati i ‘sfidës’ nuk zhgënjeu, duke pasur edhe parasysh që Rama ka luajtur në rininë e tij basketboll.

Si Rama ashtu edhe lojtarja e basketbollit realizuan kosh, e ndërsa ministrja e Rinisë ftoi fëmijët e klubit të ping pong-ut që të zhvillojnë një lojë më kryeministrin.

“Hajdeni, hajdeni luani me kryeministrin”, tha Muzhaqi.

 Ndërkohë kryeministri Edi Rama njoftoi se po përgatisin unformat të njëjta për të gjithë ekipet e basketbollit në vend.

“Tani ne do bëjmë gati uniformat për të gjitha skuadrat e shkollave, me uniforma, me çanta, me tuta, me të gjitha”, - tha Kryeministri Rama.

Modeli që po ndiqet me basketbollin dhe volejbollin, synohet të shtrihet edhe në futboll ku mbështetja e bashkive nuk do të mungojë si me bazën materiale, ashtu dhe me infrastrukturën. 

“Në rastin e sporteve të tjera, ne kemi vendos këto të dyja si kolona, pastaj një bashki ka ekipin e pingpongut, mbështet ekipin e pingpongut, një tjetër janë ata në zonën e Shtërmetit që bëjnë peshëngritje, ata nxjerrin kampionë atje”, - nënvizoi Kryeministri.

Klubi i Pingpong-ut i qytetit të Përmetit ka fituar dhe kampionatin ballkanik për moshat nën 15 vjeç.