Report Tv siguron VIDEO-n e plotë/ Ja si ndodhi aksidenti te Unaza, autobusi mori para makinat! Shpëton mrekullisht vajza në trotuar

TIRANË- Report TV ka siguruar pamjet e momentit kur autobusi në Tiranë është përplasur me makinat të cilat ndodheshin pranë stacionit ku urbani duhej të ndalonte.

Sipas kësaj video së plotë nga kamerat e sigurisë që Report Tv disponon, autobusi i linjës së Unazës, merr para makinat që ndodhen në trafik. Fillimisht autobusi përplas një makinë tip ‘Audi’ e më pas merr para makinën tip ‘Porsche’, me ngjyrë të zezë, shoferi i të cilës siç duket shtyp gazin për t’i shpëtuar aksidentit.

Në ato moment ai përplaset me një billboard në trotuar, nga ku shpëton mrekullisht një vajzë e re e cila ndodhej në rrugë.

Nga pamjet duket qartë se automjetet që ishin të ndalura në semafor, kanë pësuar dëme të konsiderueshme.

Drejtuesit të autobusit si dhe shoferëve të automjeteve të përfshira në aksident, u është bërë testi i alkoolit dhe të gjithë kanë rezultuar negativë, duke dalë në përfundim që aksidenti është shkaktuar nga një pakujdesi e momentit.

B.V/B.K./Shqiptarja.com

TAG:
• Tirane
• aksident rrugor