POP 5

Lajmet më të lexuara të 5 minutave të fundit

Bota

VIDEO/ Shembet dyshemeja kur dasmorët kërcenin! Dhëndri, nusja e miqtë përfundojnë në katin e parë, 35 të plagosur

Gjatë një dasme të organizuar në një ish-manastir në një qytet të Italisë, Pistoia, teksa të ftuarit po kërcenin, tavani i ndërtesës është shembur. Numri i të plagosurve ka shkuar në 35, mes të cilëve pesë persona janë në gjendje të rëndë, duke përfshirë edhe të sapomartuarit

Një ngjarje e frikshme u shënua në një ish manastir në Pistoia të Italisë. Papafingoja e katit të dytë të godinës u shemb pasi dasmorët po kërcënenin e festonin duke shkaktuar 35 të plagosur mes tyre dhe dhëndri e nusja.

 Media italiane shkruan se mes të plagosurve ka dhe 5 persona në gjendje të rëndë.

Prokuroria e Pistoias ka hapur një hetim për shkakun e shembjes dhe pakujdesi raporton La Repubblica.

Mjekët, policia dhe zjarrfikësit kanë punuar gjatë natës për të shpëtuar të ftuarit të cilët ishin të pranishëm në dasmë. 

Ndodhi të shtunën më 13 janar 2024 në ish-manastirin e Giaccherino, në kodrat e Pistoia. Rreth gjashtëdhjetë të rinj po kërcenin për të festuar dasmën e dy miqve të tyre kur u gjendën papritmas në katin përdhes, i mbuluar me mbeturina.

Nusja dhe dhëndri dhe shumica e të ftuarve vinin nga Firence dhe kishin zgjedhur manastirin e dikurshëm, një strukturë që daton në fillim të shekullit të pesëmbëdhjetë, për të festuar dasmën. Ishin 150 të ftuar, por në momentin e shembjes vetëm rreth gjashtëdhjetë persona ishin duke kërcyer në një dhomë në katin e sipërm e cila më pas u shemb.

S.S/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë

Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë

25 Dhjetor, 10:17