Jo vetëm tifozët serbë janë të dhunshëm. Pas incidenteve në fushën e blertë të Beogradit ku huliganët sulmuan lojtarët e kombëtares sonë të futbollit në ndeshjen me Serbinë, dhuna është shfaqur në të tjera nivele. Këtë radhë është trajneri i skuadrës së basketbollit Partizani të Beogradit, ai që ka qëlluar me grusht lojtarin e tij.

Trajneri Dusko Vujoseviç ka qëlluar lojtarin Mihajlo Andriç gjatë ndeshjes me Hapoelin e zhvilluar në kuadër të Eurocup.

Trajnerit mesa duhet nuk i ka pëlqyer loja e Andriç në sekondat e fundit të ndeshjes, dhe e ka qëlluar atë.

Ndeshja u fitua nga ekipi izraelit me rezultat të ngushtë 82:79.

Redaksia Online
(Shqiptarja.com)