POP 5

Lajmet më të lexuara të 5 minutave të fundit

Kronikë

VIDEO/ Vidhte targat e makinave të turistëve të huaj dhe më pas i shiste te grupet kriminale, arrestohet 57-vjeçari në Durrës

Vidhte targat e makinave të turistëve të huaj dhe më pas i shiste te grupet kriminale, arrestohet 57-vjeçari në Durrës

Sami Fejza, 57 vjeç, nga Kosova, u arrestua nga Policia e Durrësit si autor i dyshuar i vjedhjes së targave të 6 automjeteve të shtetasve të huaj të ardhur si turistë në vendin tonë. Arrestimi i tij u bë pas kallëzimit të bërë nga shtetas nga Serbia, Moldavia, Mali i Zi dhe Ukraina për humbjen e targave të mjeteve të tyre të parkuara në zonën e plazhit.

Pas analizimit të pamjeve të kamerave të sigurisë, rezultoi se 57-vjeçari me banim në Mitrovicë, arrinte të shkulte targat me lehtësi nga mjetet, ndërsa në kokë mbante një kapuç, me pretendimin për të mos u identifikuar nga policia.

Nga hetimet e para, thotë Policia e Durrësit, dyshohet se Fejza i vidhte targat për t’ua shitur personave me precedent kriminal, që ata t’i përdorin me pas për veprimtari kriminale për vrasje apo për vjedhje.

'Vodhi targat e 6 automjeteve në pronësi të shtetasve të huaj që kishin ardhur si turistë në Shqipëri, identifikohet, kapet dhe arrestohet 57-vjeçari. Nga Kosova në Durrës, duke ushtruar veprimtarinë kriminale të vjedhjes së targave të automjeteve të turistëve, dyshohet për tua shitur shtetasve me precedent kriminal, për të kryer krime ndaj jetës dhe pronës, në pranga 57-vjeçari. 

57-vjeçari nga Kosova kishte vjedhur targat e 6 automjeteve në pronësi të 6 shtetasve nga Serbia, Moldavia, Mali i Zi e Ukraina. Sekuestrohen në cilësinë e provës materiale targat e vjedhura në 6 automjete. Shërbimet e Komisariatit të Policisë Durrës, në bashkëpunim me shërbimet e Stacionit të Policisë Plazh, pas kallëzimit të disa shtetasve të huaj të cilët kishin ardhur si turistë në Durrës dhe u kishin vjedhur target e automjeteve, kanë organizuar dhe finalizuar operacionin polior  të koduar “Targat”.  

Në kuadër të këtij operacioni u bë i mundur identifikimi, kapja dhe arrestimi i autorit të vjedhjeve të targave, shtetasit S. F., 57 vjeç, banues në Mitrovicë, Kosovë. Ky shtetas, gjatë ditëve të fundit, në qytetin e Durrësit, në zonën e plazhit, ka vjedhur targat e 6 automjeteve, në pronësi të 6 shtetasve nga Serbia, Moldavia, Mali i Zi dhe Ukraina. Nga veprimet e para hetimore dyshohet se ky shtetas i vidhte targat për tua shitur shtetasve me precedent kriminal, për t’i përdorur për veprimtari krimianle në fushën e krimeve ndaj jetës dhe pronës. Në bashkëpunim me Prokurorinë vijojnë hetimet e thelluara për dokumentimin e veprimtarisë kriminale të këtij shtetasi.    Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.'- njofton policia.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • smi ttrop: 27/07/2023 20:53

    njerez te trash

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

25 Dhjetor, 14:16