Vijojnë dëshmitë në Komisionin Hetimor i Shëndetësisë/ Ndreca debat me audituesen e KLSH: Si keni dalë në përfundim pa u rishikuar kontrata

Kanë vijuar edhe ditën e sotme dëshmitë në Komisionin Hetimor për Sterilizimin dhe Check-Up në Kuvend.

Kanë qenë disa audituese të tjerë të KLSH-së të cilët kanë dëshmuar përpara Komisionit. Ndërkohë ka patur edhe një debat mes një prej audituesve të KLSH me nënkryetarin e Komisionit, Plarent Ndreca, i cili ka pasur një replikë lidhur me përfundimin e auditimit por sipas tij pa u rishikuar kontrata koncesionare.

Në mes ka ndërhyrë dhe kryetarja Vokshi.

Gjatë dëshmive në Komisionin Hetimor në auditimin e zbatimit të kontratës check up ka rezultuar se;

 Pavarësisht shtimit të numrit të analizave check up në vitin 2022 në krahasim me vitin 2021:
- sëmundjet kronike janë shtuar me 8,603 raste, 
- ⁠vlera e rimbursimit të barnave për shkak të rritjes së sëmundshmërisë dhe kompleksitetit të tyre me 1,184,831 mijë lekë më shumë; 
- ⁠rritja e numrit të shtrimeve në spitale me 18,979 raste më shumë, 
- ⁠rritja e vizitave ambulatore në Spitalet Universitare dhe Bashkiake me 123,354 raste më shumë etj., 

KLSH ka arritur në konkluzion se efektet e masës profilaktike “Kontrolli Mjekësor Bazë”, nuk janë reflektuar në rezultatet konkrete, në uljen e sëmundshmërisë së popullatës, duke cënuar efektshmërinë e përdorimit të këtyre fondeve.

Pjesë nga debatet:

Ndreca: Kontrata ka fuqinë e ligjit, kështu që kjo tregon përse është paguar…

Është konsideruar nga ju si dëm ekonomik rastet e paguara për shërbimet e pakryera?

Likuidimi është bërë për një shërbim të pabërë, ligji për kontabilitetin e ka këtë.

Ndreca: Sa kontrata koncesionare keni audituar?

Audituesja: Nuk kam hetuar kontratën, por buxhetin.

Vokshi: Ajo sheh vetëm nëse është kryer analiza… po të jep përgjigje shumë korrekte

Ndreca: Si keni dalë në përfundimin që kontrata duhet rishikuar?

Audituesja: Nuk kam dalë në përfundime. Kontrata është dokument autorizues për të kaluar në veprim, ndërsa dokumenti financiar është justifikues, pra janë faturat.

Ndreca: Kontrata nuk është e mjaftueshme për ju për të detyruar institucionin për të bërë pagesat?

Likuidimi është bërë në bazë të kontratës por nuk mund të bësh shpenzime për një shërbim të pakryer

Vokshi-Ndrecës: Të mbrosh të pambrojtshmen vetëm ju mund ta bëni.

Ndreca: Thatë se është paguar TVSH, nuk duhet të ishte paguar..

Axhenda e sotme:

Thirrja e dëshmitarëve, auditues të KLSH, për të sqaruar rrethana të ndryshme që lidhen me çështjen, sipas rregullave të parashikuara në Kodin e Procedurës Penale.

1. Brunilda Zenelaj

2. Eduard Stafasani

3. Melina Kabo

4. Semiram Jakupi

5. Klarenc Xhaferraj

6. Bexhet Zeqiri

Lajmi ne perditesim...

G.K/Shqiptarja.com

TAG:
• KLSH
• Albana Vokshi
• Plarent Ndreca
• komisioni hetimor per shendetesine