Vijon i nxehti përvëlues në vendin tonë, temperaturat pritet të kapin vlerat deri në 42°C

I nxehti përvëlues vijon edhe ditën e sotme në vendin tonë! Kjo situatë vjen si pasojë e të nxehtit Afrikan që ka përfshirë prej disa ditësh jo vetëm vendin tonë, por edhe pjesën më të madhe të Europës Jugore.

Në këtë mënyrë moti parashikohet i kthjellët në të gjithë territorin përjashtuar vranësirat e pakta kalimtare në relievet malore në verilindje.

Gjithashtu dita e nesërme pritet si një ndër ditët më të nxehta ku temperaturat në vlerat maksimale pritet të kapin vlerat 41 deri 42 gradë Celcius. 

Era do të fryjë me drejtim veriperëndim - verilindje me shpejtësi mesatare 1–5m/s, ndërsa në bregdet dhe lugina era fiton shpejtësi deri në 8m/s. Valëzim në dete do të jetë i forcës 1 ballë.

Temperaturat parashikohen:

në zonat malore 17 deri 37°C                                                                                                                                                         

në zonat e ulëta 19 deri 42°C                                                                                                                                                                 

në zonat bregdetare 23 deri 39°C

M.Q./Shqiptarja.com

TAG:
• moti