POP 5

Lajmet më të lexuara të 5 minutave të fundit

Ekonomi

Vijon shpërndarja e naftës pa akcizë për fermerët në Lushnjë! Fermerët: 50% më e ulët se vjet! Disa patën vështirësi në plotësimin e dokumenteve

Përfitues të skemës subvencionale të përfitimit të naftës pa akcizë, fermerët e Lushnjës dhe Divjakës që aplikuan në prill, vijojnë të tërheqin kartat e naftës në Zyrat e Agjencisë Rajonale te Ekstinsionit Bujqësor në Lushnjë. Ndonëse vlerësojnë organizimin fermerët ankohen për sasinë e naftës që sipas tyre  është më e ulët  një vit më parë

Prej 8 Majit fermerët e Lushnjës dhe Divjakës që aplikuan për t’u bërë pjesë e skemës subvencionale të përfitimit të naftës pa akcizë në prill të 2023-shit, po vazhdojnë të tërheqin kartat e naftës në Zyrat e Agjencisë Rajonale te Ekstensionit Bujqësor në Lushnjë.

Procesi i shpërndarjes së kartave po kryhet sipas një grafiku të diktuar nga data e aplikimit. Sasia e naftës që përfitojnë fermerët këtë sezon përcaktohet në bazë të kulturës së mbjellë në parcela, e cila sipas tyre është 50% më e ulët se një vit më parë.

“Çdo gjë në rregull, kisha aplikuar dhe e mora”- tha ai.

“Shpresonim të ecnim me të dyja rrota e mjetit, siç ecëm vjet na dhanë dyfishin e naftës për dy mbjellje ndërsa sivjet na kanë dhënë vetëm për një mbjellje”, shprehet një fermer tjetër.

Në zyrën e AREB, në Lushnjë ka edhe fermerë që për shkak të paqartësive në plotësimin e dokumentacionit, u është shtyrë data e marrjes së kartës së naftës.

“Ia di për nder për vjet, nuk vuajta por tani. Bëj letra, merru me dokumentet dhe deri tani asgjë”, thotë një fermer tjetër.

Këtë vit në Lushnjë kanë aplikuar në total mbi 21 200 fermerë nga të cilët në Zyrën e Agjencisë Rajonale te Ekstinsionit Bujqësor janë shpërndarë deri më tani 480 karta nafte për Lushnjën dhe 210 për Divjakën

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46