Vikena bëhet mama, e quan vajzën Krista

Pas lajmeve të shtatzënive të shumta që solli viti 2011, vijnë lajme të mira për ato artiste që u bënë mama për herë të parë. Sopranoja e njohur e skenës shqiptare Vikena Kamenica është bërë mama dhe bebi i saj gëzon shëndet të plotë. Ajo është një vajzë e shëndetshme dhe plot jetë, të cilën këngëtarja e ka quajtur Krista, një emër që e kishte zgjedhur prej kohësh dhe mezi ka pritur këtë moment që të mbajë në duar krijesën e saj. Këngëtarja padyshim ndihet e lumtur dhe i duhet që për një kohë të caktuar të kujdeset për veten, derisa të rikthehet në skenë. Shqiptarja.com i uroj jetë të gjatë dhe të lumtur Kristës.