Pas kapjes së kamionit me 324 kg kokainë, bllokohet një makinë në Portin e Durrësit e cila raportohet se ka vlera monetare të padeklaruara.
Nuk dihet ende sasia e parave të sekuestruara ndërkohë që mësohet se po vijon ende numërimi i tyre. Pak më herët gjatë ditës së sotme, në Portin e Durrësit u kap një sasi prej 324 kg kokainë që vinte nga Maqedonia e Veriut dhe kishte destinacion Italinë.
Pako të ambalazhuara me firma të njohura parfumesh apo klubesh sportive u gjetën nga policia e Durrësit në serbratorin e një kamioni me targa të huaja, ndërkohë që është prangosur shoferi 40-vjeçar i mjetit, me shtetësi të Maqedonisë së Veriut Nazif Ajrofski. Vetë i arrestuari nuk e ka pranuar të kishte dijeni për sasinë e drogës ndërkohë që ka thënë se transporton materiale ndërtimi.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)