POP 5

Lajmet më të lexuara të 5 minutave të fundit

Kronikë

Vinte baste sportive online, pranga 19-vjeçarit në Kavajë

Një 19-vjeçar është arrestuar në Kavajë, pasi është kapur në ambientet e një kancelari duke vënë baste sportive në telefon.

Vinte baste sportive online, pranga 19-vjeçarit në Kavajë

KAVAJË- Një 19-vjeçar është arrestuar në Kavajë, pasi është kapur në ambientet e një kancelari duke vënë baste sportive në telefon.

Ndaj të riut rëndon akuza për veprat penale “Organizimi ose ushtrimi i veprimtarive të lojërave të fatit në kundërshtim me ligjin”, si dhe iu sekuestrua celulari, me faqe aktive për baste online.

Ndërkohë, gjatë kontrolleve policia ka konstatuar se pronari i kancelarisë nuk kishte licencë për ushtrimin e aktivitetit dhe është vënë në hetim.

“U kap në flagrancë, në ambientet e një kancelarie, duke vënë baste sportive, me celular, arrestohet 19-vjeçari. Sekuestrohet celulari. Procedohet penalisht pronari i kancelarisë, pasi nga verifikimet rezultoi se nuk kishte licencë për veprimtarinë ekonomike.

Nga kontrollet e kryera në kuadër të megaoperacionit "Sundimi i ligjit", me qëllim parandalimin, konstatimin dhe goditjen e rasteve të organizimit të kundërligjshëm të lojërave të fatit, shërbimet e Komisariatit të Policisë Kavajë konstatuan se në një subjekt privat (kancelari), në lagjen nr. 5, një shtetas po vinte baste sportive, me celularin e tij.

Në vijim, shtetasi K. A., 19 vjeç, banues në Kavajë, u arrestua për veprën penale “Organizimi ose ushtrimi i veprimtarive të lojërave të fatit në kundërshtim me ligjin”, si dhe iu sekuestrua celulari, me faqe aktive për baste online.

Gjithashtu, nga verifikimet u konstatua se pronari i kancelarisë, shtetasi H. Xh., 33 vjeç, banues në Kavajë, nuk ishte i pajisur me licencë për këtë veprimtari ekonomike. Për këtë shtetas u referuan materialet në Prokurori, ku nisi procedimi në gjendje të lirë për veprën penale “Ushtrimi pa licencë i veprimtarive financiare”, njofton policia.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

MPJD i kundërpërgjigjet Beogradit, ia refuzon kërkesën për vizitë një ministri serb

MPJD i kundërpërgjigjet Beogradit, ia refuzon kërkesën për vizitë një ministri serb

25 Dhjetor, 20:12