POP 5

Lajmet më të lexuara të 5 minutave të fundit

Kronikë

Visho Ajazit i mbaron mandati, kush
do e zëvendësojë kreun e SHISH?

Historikisht kryetari i Shërbimit Informativ Shqiptar ka qenë i përfshirë në akuzat politike të ditës. I vetmi ndoshta që ka bërë disi përjashtim nga paraardhësit është  Visho Ajazi Lika.
Visho Ajazit i mbaron mandati, kush<br />do e zëvendësojë kreun e SHISH?
Historikisht kryetari i Shërbimit Informativ Shqiptar ka qenë i përfshirë në akuzat politike të ditës.

I vetmi ndoshta që ka bërë disi përjashtim nga paraardhësit është  Visho Ajazi Lika.

Por qëndrimi i tij në krye të Shërbimit Informativ, është ende i paqartë.

Ditën e djeshme, atij iu bënë 5 vite në krye të një prej institucioneve më të rëndësishme dhe praktikisht mandati ka mbarur.

Por është ende i paqartë vendimi që do të marrë kryeministri i vendit, Edi Rama.

Pozicioni i kreut të SHISH ka shkaktuar gjithmonë debate në vendin tonë. Ish-kryeministri Sali Berisha kur mori pushtetin vendosi të shkarkonte Bahri Shaqirin nga detyra, ndërsa propozoi që mandati i kreut të SHISH të jetë 5 vite.

Kur Rama erdhi në pushtet hasi vështirësi në largimin e drejtorit të SHISH, pasi në shumë raste u kërkua që kjo të ndodhte po pa e gjetur me shkelje ishte e pamundur. Por tani që ai ka bërë 5 vite në pushtet dhe që qeveria mori mandatin e dytë, sërish nuk ka një kandidaturë që do e zëvendësojë.

Mësohet se qeveria e ka shtyrë për në shtator vendimin nëse do e zëvendësojë Visho Likën apo do e lejojë të qëndrojë në detyrë.

Në shtator do të hartohet një ligj i ri, i cili do sjellë shumë ndryshime sa i takon Shërbimit Informativ Shtetëror, duke vendosur si kufizime mandatesh dhe ndryshime në kontrollin e institucionit, rekrutimin e punonjësve, etj.

Pasi të miratohet ky ligj, atëherë pritet që të ndodhë dhe zëvendësimi ose konfirmimi i kreut të SHISH, Visho Ajazi Lika.

Ai u emërua nga Sali Berisha më 9 gusht 2012 dhe emri i tij shkaktoi shumë debat pasi ka qenë pjesë e SHISH, kur në krye të tij ishte Bashkim Gazidede.

Por pavarësisht kësaj marrëdhëniet e tij me qeverinë Rama nisën të ndryshojnë, pasi ai edhe u dekorua nga kryeministri./Dita.al

Redaksia Online
l.q/Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Pakistan/ 82 njerëz të vrarë në 3 ditë si pasojë e dhunës sektariane

Pakistan/ 82 njerëz të vrarë në 3 ditë si pasojë e dhunës sektariane

24 Nëntor, 12:28