Viti i Ri në Kosovë, këngë e
valle në shesh, Enea fëmija i parë

PRISHTINE- Në Kosovë, shqiptarët e pritën Vitin e Ri 2012 duke vallëzuar në festë në sheshin kryesor Skënderbej ndërsa fishekzjarret ndiznin qiellin. Në Kosovë, tradicionalisht, në mëse 12 vitet e lirisë e 4 vitet e pavarësisë mijëra njerëz e presin Vitin e Ri në sheshe qytetesh, ku organizohen edhe koncerte festive ditë e natë.
Në axhendën e fillimit të vitit 2012, Presidentja e Republikës së Kosovës, Atifete Jahjaga, vizitoi në orët ë para te së dielës, anëtarët e Policisë së Kosovës, në detyrë, në vendkalimin kufitar në Merdar, në kufi me Serbinë.

Po kështu ajo takoi dhe nënën që lindi fëmijën e parë të vitit 2012 në Qendrën Klinike Universitare të Kosovës. Bukurije Ramën, 32 vjeçe, si dhe i uroi asaj për fëmijën e lindur, Enea, duke i dëshiruar jetë të gjatë dhe të lumtur. Vajza, e pagëzuar Enea është në gjendje të mirë shëndetësore, sikurse e edhe e ëma e saj.

Jahjaga përgëzoi mjekët dhe personelin tjetër në Klinikën e Gjinekologjisë në QKUK, si dhe në të gjitha klinikat e tjera, për angazhimin dhe përkushtimin e tyre për të ndihmuar të gjithë ata që kanë nevojë.