POP 5

Lajmet më të lexuara të 5 minutave të fundit

Sociale

Viti i ri shkollor në Fier/ Babai: Jam pa punë, lekët i mora borxh t'i blija librat se s'doja ta lija pa mësim (VIDEO)

Shkollat e Fierit, Patosit dhe Roskovecit po përgatiten me çdo masë anti-COVID për të pritur nxënësit. Në 28 shkolla ku numri është më i lartë seç duhet, mësimi do kryhet me dy turne dhe orët do të jenë 30 minutshe.  

FIER- 148 shkolla në Fieri, Patos dhe Roskovec po bëhen gati për të pritur nxënësit dhe fëmijët këtë sezon të ri shkollor. Për shkak të pandemisë COVID-19, në qytete mësimi do të zhvillohet me një dhe dy turne, ndërsa në fshatra do të funksionojnë kryesisht me një turn. Mësim me dy turne do të zhvillohet në 17 shkolla në Fier, 6 shkolla në Patos dhe në 5 shkolla në Roskovec. Kurse orët mësimore në shkollat me turne do të jenë 30 minuta.

“Në të gjithë shkollat e qarkut fier po punohet për punimin e procesit mësimor.  Në 158 shkolla po punohet intensivisht për marrjen e masave dhe sigurimin e të gjitha protokolleve të përcaktuara nga Ministria e Shëndetësisë. Për vitin shkollor 2020-2021 janë regjistruar 33 mijë e 345 nxënës për të cilët po punohet për për sigurimin e kushteve në shkolla”, tha Drejtoresha  e arsimit rajonal Fier, Brunilda Dhamo

Paralelisht me përgatitjen e godinave vijon edhe shpërndarja e teksteve, të cilat sipas prindërve janë mjaft të shtrenjta.

“Jam pa punë. Më thoni ju ku të vete. I mora borxh vetëm mos ta lija pa shkollë”, tha një prindër.

Kontrolli i nxënësve për maskat do të kryhet nga vetë shkolla, nëpërmjet mësuesve kujdestarë. Për arsye të ndarjes së klasave për ruajtjen distancimit fizik sipas protokolleve të Ministrisë së Shëndetësisë ka kërkesa për shtesë personeli në Patos. Ndërsa gjimnazistët e shkollës “Kutbi Vruzhaj” në Levan e cila është në rikonstruksion, do të transferohen në godinën e gjimnazit “Janaq Kilica” Fier.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

Aksi Elbasan-Lekaj/ Nënshkruhen 6 kontratat me vlerë 148 mln euro, punimet do zgjasin 24 muaj

11 Janar, 10:43