Viti i ri shkollor, Nikolla: Nxënësit të marrin arsimimin e duhur

Kryetarja e Kuvendit, Lindita Nikolla ka uruar të gjithë mësuesit, nxënësit e prindërit për nisjen e vitit të ri shkollor. Nikolla shprehet se pavarësisht pandemisë, do bëhet më e mira që nxënësit të marrin cilësinë e duhur nga bankat e shkollës.  

“Të dashur nxënëse e nxënës, Të dashur mësuese e mësues, Të dashur prindër!

LEXO EDHE:
Kushtetuesja rrëzoi kërkesën Rithemelimit, Zhupa: Butrintin do e mbrojmë deri në fund, i drejtohemi SPAK

Me rastin e fillimit të vitit të ri shkollor, ju uroj të gjithë fëmijëve të Shqipërisë një vit të suksesshëm shkollor! Të gjithë jemi me mendje e zemër tek ju dhe do të bëjmë më të mirën që edhe në sfidë me vështirësitë e pandemisë të merrni cilësinë e merituar të dijes në çdo klasë e shkollë të vendit.

Jam besimplotë që mësuesit do të jenë krah jush dhe prindërve tuaj me përpjekjen e çdo dite për t’u ngritur mbi vështirësitë e kohës. Beteja për dijen është më e bukura e jetës. Suksese dhe një vit të mbarë“, shkruan Nikolla.

Lajmi kryesor:

Nën masat anti-COVID, nis sot viti i ri shkollor! Mësuesit detyrim vaksinën, në të kundërtën tampon çdo javë! Prindërit kundër mësimit me turne! Urojnë politikanët

SI.E./Shqiptarja.com

TAG:
• edi rama
• ministria e arsimit
• Lindita Nikolla
• Evis Kushi
• Ina Zhupa
• viti i ri shkollor
• shkollat
• koronavirus ne shqiperi
• masat anticovid