KOSOVË- Kryeministrja e Serbisë, Ana Brnabiç ka nisur vizitën e saj në Veri të Kosovës gjatë ditës së sotme. Ajo u prit nga përfaqësues të Listës Serbe, si dhe nga përfaqësues të institucioneve që punojnë në sistemin e Serbisë.
Kjo është vizita e parë e Bërnabiç në Kosovë prej se është zgjedhur kryetare e Qeverisë serbe, në vitin 2017. Gjatë qëndrimit njëditor, ajo do të vizitojë komunat në veri të Kosovës – Mitrovicë e Veriut, Zveçan dhe Leposaviq – ku popullata shumicë është serbe. Më 2 shtator, autoritetet e Kosovë lejuan vizitën e saj në përputhje me Marrëveshjen e Brukselit për vizitat e ndërsjella të zyrtarëve politikë.
Bërnabiç gjatë fjalimit të saj në Mitrovicën e Veriut, duke iu drejtuar qytetarëve të kësaj komune tha se dëshironte të përçonte mesazhe paqeje, stabiliteti dhe tolerance.
"Dëshiroj që nga këtu të dërgoj mesazhin për qetësi, stabilitet dhe tolerancë, gjithashtu një porosi nga presidenti Aleksandar Vuçiç, që gjithmonë do të jemi me popullin tonë në Kosovë e Metohi. Gjithnjë do të mund të mbështeteni në Serbinë tuaj. Jam shumë e lumtur që pas provokimeve të fundit më 31 korrik, kemi arritur të ruajmë qetësinë. Interesi i popullit serb është paqja dhe stabiliteti. Në pesë vitet e fundit kemi investuar shumë më tepër se në vitet e kaluara", tha Brnabiç.
Më herët Kryeministri i Kosovës, Albin Kurti ka folur në lidhje me vizitën e kryeministres së Serbisë, Ana Brnabiç në veri të vendit. Në një konferencë për shtyp, Kurti u shpreh se Brnabiç nuk duhet të japë deklarata përçarëse që mund të sjellin tensione dhe destabilizim.
“Pres që zonja Brnabiç të mos e vazhdojë avazin e kryenegociatorit nga Beogradi, i cili jepte deklarata përçarëse, ndarëse që kishin për qëllim tensionimin dhe destabilizimin. Kemi nevojë të përqendrohemi te jeta më e mirë e qytetarëve.
Unë besoj që Qeveria e Republikës së Kosovës me mua si kryeministër për këtë më pak se një vit e gjysmë ka bërë më shumë sesa çdo qeveri paraprake edhe sa i përket punësimit të personave nga komunitetet pakicë apo jo shumicë, por këtu e kemi një vështirëse, sepse punësimi ka shkuar shpesh sipas partive politike, jo sipas përkatësisë nacionale”, tha Kurti.
Kryeministrja e Serbisë, Ana Brnabiç, ka deklaruar se Kosova nuk është duke e respektuar sipas saj marrëveshjen për formimin e Asociacionit të komunave serbe. Ajo gjithashtu i është përgjigjur deklaratave të Kurtit për demokraci ku ka thënë se nëse do të zbatohej demokracia në Kosovë do përfitonte populli serb në Kosovë.
“Sa i përket deklaratës së Kurtit për demokracinë unë do të isha jashtëzakonisht e kënaqur që të shoh demokraci këtu sepse populli serb i Kosovës do të përfitonte nga kjo”- ka deklaruar Brnabiç në konferencën për media gjatë vizitës së saj sot në Kosovë.
“Nuk shoh demokraci kur serbëve u është ndaluar këtë vit votimi që është e drejt themelore njerëzore, kjo tregon njohurit për demokracinë. Një tjetër që duhet respektuar janë marrëveshjet ndërkombëtare, Prishtina nuk e respekton ujdinë e Brukselit për themelimin e Asociacionit sot e nëntë vjet.’- tha ajo.
Për herë të parë pasi u zgjodh kryeministre e Serbisë, Ana Brnabiç vizitoi sot veriun e Kosovës. mDetaji që ra në sy ditën e sotme gjatë vizitës së saj, ishte zbatimi i reciprocitetit të targave.
Makina me të cilën lëvizi kryeministrja kishte targë ku fshiheshin simbolet serbe dhe flamuri. Reciprociteti i targave është ende temë delikate në Kosovë pasi ka nxitur shumë tensione mes serbëve dhe autoriteteve kufitare në veri të Kosovës.
Kryeministrja e Serbisë Ana Brnabiç aktualisht është duke vizituar Qendrën Multimediale, e cila ndodhet afër kishës së Shën Dimitrije në Mitrovicë, e cila është rregulluar me fondet e Qeverisë së Serbisë dhe autoritetit të përkohshëm të Mitrovicës së Kosovës.
Brnabiç gjatë fjalimit të saj duke iu drejtuar qytetarëve të kësaj komune tha se dëshironte të përcillte mesazhe paqeje, stabiliteti dhe tolerance.
"Dëshiroj që nga këtu të dërgoj mesazhin për qetësi, stabilitet dhe tolerancë, gjithashtu një porosi nga presidenti Aleksandër Vuçiç, që gjithmonë do të jemi me popullin tonë në Kosovë e Metohi. Gjithnjë do të mund të mbështeteni në Serbinë tuaj.
Jam shumë e lumtur që pas provokimeve të fundit më 31 korrik, kemi arritur të ruajmë qetësinë. Interesi i popullit serb është paqja dhe stabiliteti. Në pesë vitet e fundit kemi investuar shumë më tepër se në vitet e kaluara", tha kryeministrja serbe.
Me pankartat, “Derisa e kemi presidentin e Serbisë, Aleksandar Vuçiç dhe Anën tonë, ne nuk i druhemi asgjëje”, kryeministrja e Serbisë, Ana Bërnabiç mbërriti në Mitrovicë të Veriut. Ajo u prit nga përfaqësues të Listës Serbe, si dhe nga përfaqësues të institucioneve që punojnë në sistemin e Serbisë.
Kjo është vizita e parë e Bërnabiç në Kosovë prej se është zgjedhur kryetare e Qeverisë serbe, në vitin 2017.
Gjatë qëndrimit njëditor, ajo do të vizitojë komunat në veri të Kosovës – Mitrovicë e Veriut, Zveçan dhe Leposaviq – ku popullata shumicë është serbe.
Komente
Lajme të tjera
-
FOTO/ Mbrojtësi i Interit kalon Krishtlindjet në Gjakovë me të dashurën shqiptare
26 Dhjetor, 11:26 -
Albin Kurti 42 km rrugë? Gjatë mandatit të qeverisë u ndërtuan 1.6 kilometra për 3 vite
26 Dhjetor, 11:25 -
Pjesëtari i forcave serbe dënohet me 15 vjet burg në mungesë për krime lufte në Kosovë! Çedomir Aksiq akuzohet për vrasjen e 8 shqiptarëve në Reçak
26 Dhjetor, 11:20 -
Vuçiç: Sa të jem unë president, nuk do ta njoh kurrë Kosovën
25 Dhjetor, 21:43 -
Kosovë/ KQZ urdhërohte të çertifikojë Listën Serbe për zgjedhjet parlamentare të 9 shkurtit
25 Dhjetor, 17:03 -
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52
Serbet Jane ne mesjete, dhe do rrine ne mesjete.
PërgjigjuUrrejtja duhet tja lerë vendin bashkëpunimit dhe respektit reciprok , bota duhet të jetojë në paqe dhe në fqinjësi të mirë . E shkuara dubet tja lërë vendin të tashmes dhe të ardhmes pa nxitur urrejtje dhe nacionalizma
Përgjigju