Presidenti i FIFA-s Gianni Infantino vizitoi sot Shqipërinë me rastin e 90-vjetorit të anëtarësimit të federatës në institucionin e futbollit botëror, por edhe për shkak të inaugurimit të zyrave të reja të FSHF-së, pjesë e të cilës janë edhe fusha stërvitore.
Gjatë kësaj vizite Infantino u ndal fillimisht në kryeministri, ndërsa më pas bashkë me kryemnistrin Rama dhe presidentin e FSHF-së Armando Duka, u zhvendosën te ‘Shtëpia e Futbollit’ e ndërtuar te ish-kompleksi Dinamo. Presidenti i FIFA-s pa nga afër zyrat e reja dhe u njoh me historinë e Shqipërisë ndër vita, ndërsa shpesh udhërrëfyes u bë kryeministri Rama.
Në këtë inaugurim nuk munguan as shakatë, me kryeministrin Rama, i cili ngacmoi presidentin Duka në lidhje me investimet në futboll. Teksa tregohej një tabelë me investimet në stadiumet shqiptare vihej re një rritje e konsiderueshme në kohën kur vendin e drejton Partia Socialiste. Menjëherë Rama iu drejtua Infantinos duke thënë: “Shife këtë garfikë. Këto janë investimet në futboll të partisë (PD) që voton Duka, ndërsa këto janë në periudhën time.”
Më pas fjalën e mori presidenti i FSHF-së Armando Duka: “Fatkeqësisht apo fatmirësisht bie shi, pasi do ishin më shumë të pranishëm këtu. Me Ramën vendosën tullën e parë të këtij projekti për zyrat e reja. Më në fund jemi në shtëpinë tonë të madhe dhe të përbashkët. Këtu do punojnë mbi 16 mijë futbollistë vajza dhe djem nga e gjithë Shqipëria. Kjo na jep më shumë përgjegjësi, për ti edukuar më mirë. Para disa vitesh ishte utopike të mendoje për zyra të tilla, madje disa të tjerë e mendonin luks. Nuk është thjeshtë një godinë, një fuishë, por është një mesazh se sa i rëndësishëm është futbolli në përgjithësi. Në të kaluarën nuk kemi patur shumë mundësi ti mbështesim shumë futbollistët. Rama na vendosi në dispozicion këtë terren në qendër të Tiranës, e fanederoj shumë. Këtë objekt ndoshta kryeministri e ka zili edhe për qeverinë e tij.
Projektet e mëdha kërkojnë durim dhe kohë. Vetë Rama në 2018 më telefonoi dhe më tha e kam caktuar vendin ku do ndërtojmë kompleksin e futbollit shqiptar. Bashkpunimi me qeverinë nuk do përfundojë këtu. Më kujtohet kur nuk kishim stadium për të luajtur me kombëtaren dhe më pas u ndërtuan dy stadium. Më vonë erdhi perla ‘Air Albania’ ku u zhvillua edhe finalja e Conference League. Ky kompleks ka një vlerë të tanishme, pasi vijon të ndërtohet, mbi 10 milionë euro.”
Më pas fjalën e mori presidenti i FIFA-s Gianni Infantino: “Po flas italisht se më kuptoni të gjithë. Është si gjuha e shtëpisë. Përndryshe do flas shqip pasi është gjuha zyrtare në Zvicër (qesh). Kjo është një ditë gëzimi, një ditë kremtimi, pasi inauguroi këtë Shtëpi Futbolli. Pas kaq shumë vitesh kishte ardhur koha që futbolli ta fitonte këtë sfidë dhe të ndërtonte këtë Shtëpi, për të gjithë të rinjtë që e duan këtë vend që është Shqipëria. Në 20 vitet e fundit, në një përshpejtim të madh, ka patur ndryshime në futbollin shqiptar. Kam ardhur këtu në 2002 dhe pashë stadiumin e nisa të mendoj se çfarë mund të bëhej. Pas 20 vitesh mund të them se kanë kaluar 2 mijë vite. Kjo infraskturë është një model për Ballkanin. Shqipëria po shkon drejt modernizimit dhe një shembull është stadium. Jam krenar që gjendem këtu sot, pasi prania ime nënkupton se Tirana, Shqipëria, është në sytë e botës. Futbolli e dimë që është gjëja më e rëndësishme në botë dhe sot ky vend, Shqipëria, është në sytë e botës. Mbetet ende për t’u bërë shumë, për fushat e futbollit në rrethe, por ne do investojmë në vitet e ardhshme. Do shumëfishohen në 7 herë financimet e projekteve në bashkupin me qeverinë. Federata dhe qeveria janë të lidhur edhe me temën e basteve sportive. E mbyllën këtë plagë që e shkatërron futbollin dhe tani po ecin në një drejtim tjetër, pasi kjo mund të rregullohet. Fitimet ose të ardhurat tani mund të investohen në futboll. Për mua është krenari të kthehem pas 20 vitesh dhe të shoh këtë ndryshim. Deri më tani është hera e katërt që kam ardhur. Jam dhe ndihem shqiptar.”
Komente
Lajme të tjera
-
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Shorti i kualifikueseve të Kupës së Botës, Kombëtarja rrezikon përballjen me Serbinë ose Kosovën
20 Nëntor, 20:55
nje gje nuk marr vesh, pse Km i REpublikes se Shqiperise , ne Tirane , kryeqytetin tone flet italisht ??
PërgjigjuSi eshte e mundur qe edhe per sportet pritjet i ben K/M ?!
PërgjigjuShiqoni se si ështé bashkuar kupols e krimit shtetrorë dhe sportiv, sa të qelbur që janë …!
Përgjigju