Presidenti i Turqisë, Recep Tayyp Erdogan, ka mbërritur në kryeqytetin e Greqisë, Athinë, ku po zhvillon një vizitë zyrtare dy ditore. Kjo është vizita e parë zyrtare e një Presidenti turk në Greqi pas 62 vitesh.

Kreu i Shtetit turk do të zhvillojë takime me krerët e lartë të Greqisë, duke nisur nga homologu Prokopis Pavlopoulos apo dhe kryeministri Alexis Tsipras. 

Vizita historike e Presidentit Erdogan ka ngritur në këmbë shtetin grek, të cilët kanë marrë masa të rrepta për sigurinë, ku plot 3 mijë policë grekë dhe 200 forca nga policia turke janë në terren. Gjithashtu, avioni i Erdogan shoqërohet në këtë vizitë nga dy avionë ushtarakë. 

d.c./shqiptarja.com