TIRANË - Ardian Bitraj, njeriu që “tundi” themelet e Bankës së Shqipërisë, duke i vjedhur institucionit më të rëndësishëm Shqiptar një shifër prej 713 milion lekë të reja,ka qënë në dijeni për shifrën që kishte vjedhur në arka. Sot gazeta “Shqiptarja.com”, zbardh të plotë dëshminë e Bitraj të dhënë para prokurorir Ramadan Troci, ku i ka treguar këtij të fundit mekanizmin e vjedhjes, futjen e lekëve në trup dhe “asgjësimin” e tyre në tre pika bastesh në Tiranë. Sipas rëfimit të Bitraj ai e ka nisur vjedhjen me 15 milion dhe më pas rekordin e ka kapur, ku ka vjedhur 100 milion lekë të vjetra. Bitraj nënvizon se për vjedhjen ka pasur dijeni vetëm punonjësja Mimoza Bruzia.

Në cilësinë e personit që tregon rrethanat e hetimit ju keni deklaruar se gjatë kohës që keni ushtruar detyrën e Përgjegjësit të Arkës për veprim në Bankën e Shqipërisë, keni përvetësuar shuma të mëdha parash. Ai i konfirmoni sërish këto deklarime e nëse po, a mund të jepni shpjegime se si i keni kryer këto veprime?
Unë kam që në vitin 1993 që kam filluar në sistemin bankar pranë Bankës Kombëtare Tregtare (BKT). Rreth 6-7 muaj kam punuar në sektorin e kontabilitetit dhe më tej kam punuar në Drejtorinë e Marrëdhënieve me Jashtë, në pozicionin specialist i depozitave punë të cilën e kam kryer deri në fund të vitit 1997.Në shkurt 2005 kam filluar punë në BSH si përgjegjës i zyrës së arkës stok në Bankën e Shqipërisë, pozicion të cilin e kam kryer deri më sot.Unë kam