POP 5

Lajmet më të lexuara të 5 minutave të fundit

Kronikë

Vjedhje, plagosje me thikë dhe sherr në Durrës! Arrestohen 6 persona, 1 në hetim dhe 1 në kërkim

Nga një rast i tentativës për të vjedhur një automjet, deri tek një konflikt i nisur për motive të dobërta që përfundoi në një sherr të fortë mes disa të rinjve, janë disa nga ngjarjet që vunë në pranga 6 persona në Durrës. Ndërsa një është shpallur në kërkim dhe një është vënë nën hetim.

Vjedhje, plagosje me thikë dhe sherr në Durrës! Arrestohen 6 persona, 1 në hetim dhe 1 në kërkim

Foto ilustruese

Një 37-vjeçar është arrestuar nga efektivë të Policisë Durrës, pasi u kap në tentativë për të vjedhur një makinë.

“Në pranga ka rënë B. R., 37 vjeç, banues në fshatin Sallmone, Shijak, pasi u kap gjatë tentativës për të vjedhur një automjet, në lagjen nr. 18, Durrës”, thuhet në njoftimin e policisë.

Po ashtu një 17-vjeçar ka rënë në prangat e bluve të Durrësit, pasi plagosi me thikë një 20-vjeçar gjatë një konflikti për motive të dobëta. Ky i fundit është vënë nën hetim.

“Efektivë të Policisë Manzë arrestuan në flagrancë një 17-vjeçar, banues në Fllakë, Durrës, si dhe referuan materialet në Prokurori, ku nisi hetimi në gjendje të lirë për  E. C., 20 vjeç, banues në Fllakë, Durrës, pasi gjatë një konflikti për motive të dobëta, ndërmjet tyre, 17-vjeçari ka dëmtuar me mjet prerës, shtetasin E. C., i cili është jashtë rrezikut për jetën”, njofton policia.

Ndërsa dy të rinj nga Kavaja kanë përfunduar në pranga, pasi kanë goditur njëri-tjetrin, me sende të forta.

“Specialistë të Policisë Kavajë arrestuan në flagrancë shtetasit K. B., 39 vjeç dhe A. B., 38 vjeç, të dy banues në Kavajë, pasi për motive të dobëta, kanë goditur njëri-tjetrin, me sende të forta”, njofton policia.

Së fundmi, efektivë të Policisë Shijak arrestuan në flagrancë dy të rinj dhe shpallën në kërkim një tjetër, pasi dyshohet se në bashkëpunim kanë vjedhur 2 bateri kamioni në një karburant.

“E. J., 20 vjeç dhe F. D., 19 vjeç, të dy banues në lagjen nr. 14, Durrës, si dhe shpallën në kërkim shtetasin P. L., 19 vjeç,  banues në lagjen nr. 13, pasi në bashkëpunim me njëri-tjetrin, kanë vjedhur 2 bateri kamioni, në një karburant, në autostradën “Tiranë-Durrës”. Vijon puna për kapjen e shtetasit P. L”, informon policia.

Materialet procedurale i kaluan Prokurorisë Durrës, për veprime të mëtejshme.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03