Durrës - Një 48-vjeçar u arrestua nga policia kufitare e Durrësit pasi ishte i dënuar me 2 vite burg për mashtrim me kreditë.

Eduard Nacollari me banim në Tiranë u arrestua në portin e Durrësit, ku kishte udhëtuar nga Italia për në vendin tonë me tragetin e linjës Bari-Durrës .

Nacollari ishte shpallur në kërkim pasi në 30 tetor të 2015-ës gjykata e Apelit të Tiranës e kishte dënuar me 2 vjet burg për veprën penale "mashtrim në kredi".